Сичүән өлкисидә йәнә японийигә қарши намайиш өткүзүлди

Шәнбә күни сичүән өлкисидә йүзлигән хитай пуқраси йәнә японийигә қарши намайиш өткүзди. Франсийә агентлиқиниң намайиш гуваһчилириниң ейтқанлиридин нәқил елип көрситишичә, намайиш, сичүән өлкиси деяң шәһиридә елип берилған болуп, намайишқа асаслиқи университет оқуғучилирини өз ичигә алған бир миң әтрапида адәм қатнашқан.
Мухбиримиз җумә
2010.10.23

Өткән бир нәччә һәптидин буян хитайниң бир қисим шәһәрлиридә сенкаку мәсилисидә японийигә қаршилиқ билдүрүш намайишлири елип берилған иди.

Бу йил сентәбирдә японийә деңиз қоғдиғучилири японийиниң сенкаку арилиға йеқинлап кәлгән хитай белиқчи кемисиниң капитанни 17 күн тутуп турғандин кейин, қоюп бәргән иди. Бу хитай - японийә мунасивәтлирини еғир дәриҗидә йирикләштүргән.

Мәлум болушичә, хитай даирилири хунән өлкисиниң чаңша вә сичүәнниң деяң шәһәрлиридә оқуғучиларни японға қарши намайиштин тосуп қелиш үчүн, һәптә ахирида дәрс орунлаштурған. Һалбуки, деяң шәһиридә намайиш йәнила елип берилған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.