Хитай өзиниң аз санлиқ милләтләр сияситини қайта ойлиниши керәк

Хитай компартийиси мәркизи комитети сияси бюросиниң әзаси, гуаңдуң өлкилик парткомниң секретари ваң яң чаршәнбә күни чәтәл мухбирлириға қилған сөзидә, хитайниң аз санлиқ милләтләр сияситини қайта ойлинидиған вақитниң кәлгәнликини ейтип " бу сиясәтләргә чоқум түзитиш киргүзүш керәк" дегән.
Мухбиримиз ирадә
2009.07.30

Ройтерс агентлиқиниң хәвиридин мәлум болушичә, ваң яң гуаңҗуда қилған сөзидә йәнә, "биз әмәлийәткә қарап иш көришимиз керәк, җуңго дегән көп милләтлик бир дөләт. Әгәр буниңға вақтида түзитиш киргүзүлмисә мәсилә келип чиқиши мумкин " дегән.

Хитай даирилири та һазирғичә үрүмчи 5 - июл вәқәсини диний мәсилиму әмәс, миллий мәсилиму әмәс, дәп буни чәтәлләрдики аталмиш үч хил күчләр чиқарған дегәнни изчил тәшвиқ қилип кәлгән иди.

Әмма ваң яңниң бу сөзи хитайниң юқири дәриҗилик әмәлдарлиридин бириниң тунҗи қетим хитайда миллий мәсилә барлиқини етирап қилиши болуп һесаблиниду. Бу йәнә, хитайдики юқири дәриҗилик әмәлдарларниң ички җәһәттә пикир ихтилапи барлиқиниму көрсәтмәктә. 
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.