سومالىدىكى دېڭىز قاراقچىلىرى يەنە بىر يۈك پاراخوتىنى بۇلاپ كەتكەن

سومالىدىكى دېڭىز قاراقچىلىرى تۈنۈگۈن گرېتسىيىنىڭ بىر يۈك پاراخوتىنى بۇلاپ كەتكەن. پاراخوتقا 300 مىڭ توننا نېفىت قاچىلانغان بولۇپ، مەلۇماتلارغا قارىغاندا، بۇ سومالىدىكى قاراقچىلار ھازىرغا قەدەر قولغا چۈشۈرگەن ئەڭ چوڭ ئولجا ھېسابلىنىدۇ.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2009-12-01
ئېلخەت
پىكىر
Share
پرىنت

دېڭىز قاراقچىلىرى بۇ قېتىم ھىندى ئوكيانغا سومالى قىرغاقلىرىدىن 1300 كىلومېتىر ئىچكىرىلەپ كىرىپ ھەرىكەت ئېلىپ بارغان. خەۋەرلەردە كۆرسىتىلىشىچە، بۇ، دېڭىز قاراقچىلىرىنىڭ پائالىيەت دائىرىسىنىڭ كېڭىيىۋاتقانلىقىنىڭ بىر بىشارىتىدۇر.

سومالىدىكى دېڭىز قاراقچىلىرى ئۆكتەبىرنىڭ 19 ‏- كۈنى خىتايغا تەۋە بىر يۈك پاراخوتىنى بۇلىغان، 26 نەپەر خىتاينى گۆرۈگە ئېلىۋالغان ئىدى.

خىتاي دېڭىز ئارمىيىسى ئۆتكەن ئايدا مەزكۇر تەۋەلىككە قۇتقۇزۇش ئەترىتى ئەۋەتكەن بولسىمۇ، ھازىرغا قەدەر ھېچقانداق نەتىجىگە ئېرىشەلمىگەن ئىدى. ئەكسىچە دېڭىز قاراقچىلىرى خىتايغا تەھدىت ئىشلىتىپ، ئەگەر خىتاي قۇتقۇزۇش ئۈچۈن ھەرىكەت باشلىسا، گۆرۈگە ئېلىنغانلارنى پۈتۈنلەي ئۆلتۈرۈۋېتىدىغانلىقىنى بىلدۈرگەن ئىدى.

يېقىنقى مەلۇماتلاردىن قارىغاندا، نۆۋەتتە خىتاي قۇتقۇزۇش ئەترىتى كارغا كەلمىگەندىن كېيىن، خىتاي سومالىدىكى دىنىي زاتلار ۋە جامائەت ئەربابلىرى بىلەن كۆرۈشۈپ، دېڭىز قاراقچىلىرى بىلەن سودىلىشىش يولىدا ئىزدەنمەكتە.

پىكىرلەر (0)
Share
تولۇق بەت