Gülmire imin we memetjan abdulla xelq'ara söz erkinliki mukapatigha érishti

5-Iyul ürümchi weqesidin kéyin qolgha élinip, muddetsiz qamaq jazasigha höküm qilin'ghan gülmire imin we memetjan abdulla 2012-yilliq xelq'ara söz erkinliki mukapatigha érishti.
Muxbirimiz irade
2012-12-20
Share

Mezkur mukapat xelq'ara kishilik hoquqni közitish teshkilati teripidin tesis qilin'ghan bolup, diktator hökümetlerning bésimigha qarimay, pikir erkinlikini algha sürüsh üchün töhpe qoshqan shexslerning xatirisige her yili bir qétim tarqitilip kelmekte.

Bu yilliq pikir erkinliki mukapatigha xitay dölet tewesidiki Uyghur, tibet, mongghul we xitay kishilik hoquq aktipliridin terkib tapqan jem'iy 12 kishi layiq körülgen bolup, bularning arisida gülmire imin we memetjan abdullarnimu öz ichige alghan 7 si hélihem türmilerde.

Kishilik hoquqni közitish teshkilati bügün bu heqte élan qilghan bayanatida, xitayda heq gep qilghan kishilerning éghir qamaq jazaliri bilen jazalinishi xitaydiki bésimning qanchilik éghirliqini yorutup béridighanliqini eskertip "Bu qehriman yazghuchilar, muxbirlar we pa'aliyetchiler hökümet sizip bergen qizil siziqlargha jeng élan qilish arqiliq, bashqilargha erkin söz qilish pursiti yaritip bérishke tirishti. Emma ular buning bedilini tolimu éghir tölidi" dédi.

Gülmire imin we memetjan abdulla her ikkilisi 5-iyul weqesidin kéyin xitay da'iriliri teripidin qolgha élinip, ayrim-ayrim halda qanunsiz namayish uyushturush we dölet bixeterlikige ziyanliq uchur tarqitish jinayiti bilen eyiblinip muddetsiz qamaq jazasigha höküm qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet