Архип
2012-11-28
Уйғур аптоном районидики хитай биңтуәни әмгәк вә мулазимәт тармақлириниң 27-ноябир өз торида елан қилишичә, бу йил 11-айниң 25 гә қәдәр биңтуәнгә кәлгән пахта тәргүчи пәсиллик ишләмчиләрниң сани 380 миңдин артуқ болуп, улар пахта териштин җәмий 2 милярд 542 милйон сом кирим қилип юртлириға қайтишқан.
2012-11-28
Ройтерсниң 28-ноябир хәвиридә, хитай пиланлиқ туғут комитетиниң сабиқ башлиқи җаң вейҗиңниң сөзини нәқил кәлтүрүшичә, хитай яшанғанларни беқиш мәсилисидә зор риқабәткә дуч келиватқан болғачқа бир пәрзәнтлик болуш сияситигә өзгәртиш киргүзүшни пиланлимақта икән.
2012-11-28
Сәйшәнбә күни вйетнам хитайниң йеңи паспортиға виза бәрмәйдиғанлиқини җакарлиған иди. Бүгүн филиппинму бу сәпкә қетилди.
2012-11-28
Дүшәнбә күни японийиниң хитайдики баш әлчилик вәзиписидин айрилиш алдида ахбарат йиғини ачқан уечиро нива, хитай ичидики “әмди биз японийиниң иқтисади ярдимигә моһтаҗ әмәс” дегән баянларни “һакавурлуқ” дәп тәнқид қилди.
2012-11-27
Чеграсиз мухбирлар тәшкилати йиллардин бери пикир әркинлики чәклимигә учриған өктичиләрни вә қәләмкәшләрни йеқиндин қоллап келиватқан вә уларниң мәсилилирини хәлқара сәһнидә тонуштуруп келиватқан нопузлуқ аммиви тәшкилат болуп, улар бу җәһәттики паалийәтлирини техиму җанландуруш үчүн, “биз назарәткә қарши” намлиқ торбәт ачти.
2012-11-27
Хитайниң йеңи паспортида җәнубий деңиздики игилик һоқуқи талаш-тартишта туруватқан җайларму хитайниң территорийиси қилип көрситилгәчкә, вйетнам, тәйвән вә филиппин қатарлиқ дөләт вә районлар хитайниң мәзкур қилмишиға наразилиқ билдүргән вә паспортидики хәритини өзгәртишни тәләп қилған иди.
2012-11-27
Чиңхәйниң хәйнән вилайитидики тибәт оқуғучилар, түнүгүн йәни дүшәнбә күни намайиш өткүзүп, хитайниң миллий кәмситиш сияситигә қаршилиқ көрсәткән.
2012-11-27
Гуаңдуңниң шәнту шәһиридики вукән кәнтидики аһалиләр, өткән йили бир қатар һөкүмәткә қарши наразилиқ һәрикәтлирини елип берип, ахири кәнт аһалиләр комитетини демократик усул билән сайлап чиқишқа мувәппәқ болған вә шуниңдин кейин мәзкур кәнттики аһалиләр комитети, кәнт аһалилириниң мәнпәитини қоғдайдиған органға айланған.
2012-11-27
Пәләстин һөкүмити өткән йили б д т ға сунған рәсмий әзалиқ илтимаси б д т бихәтәрлик кеңиши тәрипидин рәт қилинғандин кейин, б д т гә әза болмиған назарәтчи дөләт болушқа илтимас сунған иди.
2012-11-26
Ню-йорктики хитайниң әмгәк вәзийитини көзитиш тәшкилати бу йил авғустта доклатта елан қилип, самсуң електр ширкитиниң хитайдики тармақлирида өсмүр балиларниң әмгәк селиниватқанлиқи вә уларниң начар әмгәк муһитида ишлитиватқанлиқини паш қилған иди.
2012-11-26
Америкида чиқидиған “әрләр пәслик журнили” намлиқ журналниң бу йиллиқ баһалишида хитай өктичи чен гуаңчеңға “йилниң исянкари” дәп нам берилгән.
2012-11-26
Испанийиниң шәрқи шималидики каталонйә аптоном районида өткүзүлгән парламент сайлимида, каталонйәдики мустәқиллиқни халайдиған партийә-гуруһлар үстүнлүккә еришкән.
2012-11-26
Сүрийидики исянчилар, түнүгүн пайтәхт дәмәшиққә 15 километир мусапидики бир һава армийә базисиға һуҗум қилип, базини қолға чүшүргән.
2012-11-26
Алдинқи йили шаңхәйдики бир сақчиханиға бастуруп кирип 5 нәпәр сақчини пичақ селип өлтүргән яңҗя исимлик бир яшқа бултур 11-айниң 26 өлүм җазасиниң иҗра қилинғанлиқи һәққидә хәвәрләр берилгән иди.
2012-11-25
Пакистанниң ғәрбий шималий қисмидики дера исмаил хан шәһиридә йәкшәнбә күни партлаш йүз берип 5 адәм өлди,хели көп санда адәм яриланди.
