Sürgündiki tibet hökümiti dunyani özini köydürüwélish weqelirige alahide diqqet qilishqa chaqirdi

Bayanatta, hazirghiche eng az dégende 51 neper tibetning musteqilliq we dalay lamaning qaytip kélishini telep qilip özini köydürüwalghanliqi, tibetning hazir herbiy tüzüm astida idare qiliniwatqanliqi, chet'ellik sayahetchi we muxbirlarning rayon'gha kirishining cheklen'genliki bildürülgen.

Bayanatta mundaq déyilgen:
-Xitay hökümiti qattiq qol wasitiler bilen idare qilishni kücheytkenche, tibetlerning shiddet yoli arqiliq qarshiliq bildürüsh hadisiliri artmaqta. Xitay hökümiti tibetlerning özini köydürüwélishigha seweb boluwatqan iken, u halda ularning mesilini hel qilish mejburiyitimu bar.

Tibetlerning özini köydürüwélish weqelirige qarita, amérika, fransiye, italiye, kanada we hetta awstraliye qatarliq nurghun döletler we shuningdek yawropa ittipaqi we bashqa kishilik hoquq organliri bayanat élan qilip, xitaydin bu paji'eni toxtitishini we tibet xelqi bilen söhbetke olturushini telep qilghan idi. Bügün sürgündiki tibet hökümiti bayanatida, xitay hökümitini xelq'ara jama'etning chaqiriqigha qulaq sélishqa dewet qildi.