Köp dölet tashqi ishlar ministirliri istambulda süriye mesilisini muhakime qildi

Köp döletning tashqi ishlar ministirliri türkiyining istambul shehirige jem bolup,“Süriye dostliri” yighinigha qatniship, süriye mesilisini muhakime qildi. Biraq, rusiye, xitay we iran terep bu yighin'gha qatnashmighan.
Muxbirimiz ümidwar
2012.04.01

Birleshme agéntliqining xewer qilishiche, yighin qatnashquchiliri asad hökümitining öktichilerni basturushini toxtitishini chaqirghan. Yighinda öktichilerge yardem körsitish mesilisi otturigha qoyulup, türkiye bash ministiri erdoghan herbiy yardemler mesilinisimu tilgha alghan. Yighin yene öktichilerning asad hakimiyitini qolgha alidighan birlikke kelgen bir démokratik teshkilat bolup uyushishini körsetken.

Amérika dölet ishliri ministiri klinton xadim asadning puqralargha qaratqan basturushini toxtitishi, egerde undaq qilmighanda éghir aqiwetke qalidighanliqini agahlandurghan hemde amérikining süriye xelqige yene 12 milyon dollar qimmitide insanperwerlik yardimi béridighanliqini eskertken.

Yighinda yene ötkichilerge qoral - yaraq yardimi bergende süriyining téximu zor urush qalaymiqanchiliqigha pétip qélishi mesilisimu tilgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.