سۈرىيە ھۆكۈمىتى سۈرىيە مۇئاۋىن پرېزىدېنتىنىڭ قاچقانلىقىنى ئىنكار قىلدى

شەنبە كۈنى دەمەشىقتىكى دۆلەت تېلېۋىزىيىسى شارا ئەپەندىنىڭ ئىشخانىسى تارقاتقان بىر باياناتنى ئېلان قىلدى ۋە: شارا ئەپەندى سۈرىيىدىن ئايرىلىشنى ئويلاپمۇ كۆرگىنى يوق، دەپ كۆرسەتتى.

فارۇق ئەل شارا سۈرىيىدىكى سۈننىي مەزھىپىدىن بولغان سارىيىدىكى ئەڭ نوپۇزلۇق سىياسىيونلارنىڭ بىر بولۇپ، ئۇ ئۆتكەن 30 يىلدىن بېرى سۈرىيە ھۆكۈمىتىدە خىزمەت قىلماقتا ئىدى.

بۇ يىل مارتتا سۈرىيىدىن قېچىپ چىققان سۈرىيىنىڭ سابىق نېفىت مىنىستىرى ئابدو ھىسامىدىن ئەرەب تېلېۋىزىيىسىگە قىلغا سۆزىدە شارا ئەپەندىنىڭ ئەمەلىيەتتە نەزەربەند ئاستىغا ئېلىنغانلىقىنى بىلدۈردى.

ئۆتكەن ھەپتە سۈرىيە باش مىنىستىرى ئۆكتىچىلەر تەرەپكە ئۆتۈپ كەتكەن ۋە ئەسەد ھۆكۈمىتىنىڭ چاك - چېكىدىن بۆسۈلۈپ كېتىۋاتقانلىقىنى بىلدۈرگەن ئىدى.