Сүрийә һөкүмити сүрийә муавин президентиниң қачқанлиқини инкар қилди

Сүрийә муавин президенти фаруқ әл шараниң өктичиләр тәрәпкә өтүп кәткәнлики хәвәр қилинғандин кейин, сүрийә һөкүмити бу һәқтә баянат елан қилип бу һәқтики хәвәрләрни инкар қилди.
Мухбиримиз җүмә
2012.08.18


Шәнбә күни дәмәшиқтики дөләт телевизийиси шара әпәндиниң ишханиси тарқатқан бир баянатни елан қилди вә: шара әпәнди сүрийидин айрилишни ойлапму көргини йоқ, дәп көрсәтти.

Фаруқ әл шара сүрийидики сүнний мәзһипидин болған сарийидики әң нопузлуқ сиясийонларниң бир болуп, у өткән 30 йилдин бери сүрийә һөкүмитидә хизмәт қилмақта иди.

Бу йил мартта сүрийидин қечип чиққан сүрийиниң сабиқ нефит министири абдо һисамидин әрәб телевизийисигә қилға сөзидә шара әпәндиниң әмәлийәттә нәзәрбәнд астиға елинғанлиқини билдүрди.

Өткән һәптә сүрийә баш министири өктичиләр тәрәпкә өтүп кәткән вә әсәд һөкүмитиниң чак - чекидин бөсүлүп кетиватқанлиқини билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.