Süriyidiki isyanchilar demeshiqning yénidiki bir hawa armiye bazisini qolgha chüshürgen

Intérnétta tarqalghan bu heqtiki sin körünüshliride, pachaqlap tashlan'ghan ikki tik uchur ayropilan, hawagha kötürülgen is-tütek we isyanchilarning heriketliri körsitilgen.

Londonda pa'aliyet élip bériwatqan süriye weziyitini közitish teshkilati, shu küni toqunushta, isyanchilar we dölet armiyisidin bolup ikki tereptin jem'iy 15 kishi ölgen.

Roytérsning bu heqtiki xewiride bayan qilinishiche, mezkur hawa armiye bazisining qoldin kétishi beshar asad hökümiti üchün éghir bir zerbe hésablinidu. Nöwette süriyide terepsiz axbarat organlirining pa'aliyetliri chekliniwatqan bolghachqa, mezkur jaydiki weziyet heqqide perqliq uchurlar tarqalmaqta. Bezi xewerlerde bildürülüshiche, isyanchilar mezkur bazini qolgha chüshürgendin kéyin, dawamliq türde demeshiqqe qarap ilgirileshke hazirlanmaqta.

Emma yene bezi xewerlerde bayan qilinishiche, isyanchilar, “Elmejri” dep atilidighan mezkur bazini qolgha chüshürgendin kéyin, dölet armiyisining qayturma hawa hujumidin saqlinish üchün mezkur bazidin chékinip chiqqan.