Süriye tashqi ishlar bayanatchisi jihad maqdissi süriyidin ghayib boldi

Süriyining muhim dölet erbabliri qataridiki, tashqi ishlar bayanatchisi jihad maqdissining birqanche heptidin béri axbarat sehniliride körünmesliki, uning nöwettiki siyasiy meydani we turuwatqan orni heqqide türlük perez we gumanlarni peyda qildi.
Muxbirimiz shöhret hoshur
2012-12-04
Share

Süriyidiki isyanchilar uning, esad hakimiyitidin yüz örügenlikini bildürse, yene bezi menbeler, uning bayanat bergende hökümet belgiligen siziqtin chetnep ketkenliki üchün wezipisidin élip tashlan'ghanliqini otturigha qoymaqta. Liwanning elmanar téléwiziyisining xewer qilishiche, jihad maqdissi yéqinda a'ilisi bilen birlikte süriyidin ayrilip, awwal buyrutqa kelgen, uningdin kéyin london'gha seper qilghan.

Nöwette bezi menbeler, maqdissining siyasiy meydan jehette isyanchilar terepke ötkenlikini ilgiri sürüshmekte.

Bu heqte, türkiyining dunya bulteni gézitige pozitsiye bildürgen isyanchilar sépining bir bashliqi, maqdissining burun qilghan sözliri seweblik, u meydanini özgertken teqdirdimu, xelqni tesirlendürelmeydighanliqini bayan qilghan. Melum bolushiche, maqdissi bayanat bérish jeryanida “Biz ximiyiwi qorallirimizni öz xelqimizge qarita ishletmeymiz” déyish arqiliq, süriyining ximiyiwi qorallargha sahib ikenlikini resmiy shekilde ashkarilap qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet