Amérika hazir süriye mesilisi heqqide yéngi teklip qarar layihilewatidu

Bu teklip qararda, süriyide namayish qilghanlar qirghinchiliqqa uchrighan rayonlargha ewetilgen insanperwerlik yardem, hergiz tosqunluqqa uchrimasliq kérek dep körsitilgen. Eger b d t da bu teklip qarargha awaz bérilse, bu, süriyide on bir aydin buyan dawam qiliwatqan krizisni hel qilish toghrisida üchinchi qétim otturigha qoyulghan teklip bolup hésablinidu.

Fransiye tashqi ishlar ministiri juppe, b d t da üchinchi qétim muzakire qiliniwatqan bu teklip heqqide bayanat élan qilip, xitay bilen rusiyini, bu insanperwerlik qararni wito qilmasliqqa chaqirdi. Buningdin burun süriye krizisini hel qilish toghrisida en'gliye, fransiye, gérmaniyilerning ereb birlikining teshebbusini qollap yollighan ikki teklip layihe rusiye bilen xitay teripidin wito qilin'ghan idi.

B d t bixeterlik kéngishidiki diplomatlarning éytishiche, bu teklip qarar hazir béjiriliwatidu. Gerche bu qétimqi teklip qararning muhim nuqtisi insanperwerlik yardem bolsimu, emma uningda yenila süriye krizisini süriye hökümiti keltürüp chiqarghan dep éniq körsitilgen bolghachqa, buning netijisi qandaq bolidighanliqini tesewwur qilish qéyin.