B d t ning süriye qarar layihe muzakirisi xitay we rusiye teripidin ret qilindi

B d t bixeterlik kéngishi süriye prézidénti besher esadni jazalash layihisini muzakire qilish üchün, tünügün yeni peyshenbe küni chüshtin kéyin bir qétimliq gheyriy resmiy yighin orunlashturghan.
Muxbirimiz shöhret hoshur
2011.08.26

Emma rusiye we xitay terep yighin'gha qatnashmighan. Jaza layihisi amérika, en'gliye, fransiye, gérmaniye we portugaliye teripidin hazirlan'ghan. Layihide beshar esad we a'ilisi shundaqla yéqin shériklirige qarita jaza tedbirliri otturigha qoyulghan we layihining derhal awazgha qoyulushi telep qilin'ghan.

Süriyide démokratik heriketler bashlan'ghandin buyan beshar hökümiti qattiq basturush tedbiri qollinip 2200din artuq kishining ölümige seweb bolghan.

Shunga gherb döletliri besher esadni jazalash arqiliq téximu köp qan tökülüshning aldini élishqa tirishmaqta. Emma xitay we rusiye liwiyide élip bérilghan nato qisimlirining heriketlirini b d t ning ruxset da'irisidin halqip ketti dep narazi bolghan we süriye üchün testiqlan'ghan bir jaza qarariningmu liwiyige oxshash netije bérishidin endishe qilidighanliqini bildürgen idi.

B d t ning tünügün orunlashturghini gheyriy resmiy bir yighin bolup, bu peqet rusiye we xitayning rayini sinash üchün orunlashturulghan. Melum bolushiche, aldimizdiki künlerde xitay we rusiyini mezkur qarargha boysundurush üchün b d t da diplomatik heriketler qoyuqlishishi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.