Amérika-türkiye birliship, süriyining shimalida uchushqa cheklen'gen rayon qurushi mumkin

Türkiye axbarat wasitiliridin “Millet” gézitining xewer qilishiche, amérika bilen türkiye birliship, süriyining shimalida uchushqa cheklen'gen rayon qurushni pilanlighan.
Muxbirimiz erkin
2012-11-07
Share

“Millet” gézitining charshenbe künidiki xewiride, türkiyining sh a e t din türkiye-süriye chégrasigha “Wetenperwer” namliq bashqurulidighan bomba orunlashturushni telep qilghanliqi, mezkur pilan bilen munasiwetlik ikenlikini ilgiri sürgen.

Xewerde yene, amérika-türkiye yuqiri derijilik herbiy emeldarlirining bir qanche aydin buyan, izchil mezkur pilanni muzakire qilghanliqini bildürgen. Xewerde ashkarilishiche, amérika süriyige biwasite herbiy arilishishni ret qilghan bolsimu, biraq uchushqa cheklen'gen rayon qurup, “Wetenperwer” namliq bashqurulidighan bomba we türkiye urush ayropilanliri arqiliq süriye urush ayropilanlirini tosushqa kélishken.

Közetküchilerning ilgiri sürüshiche, uchushqa cheklen'gen rayonning qurulushi musapirlarning süriyige qaytishigha ongushluq yaritip béridu. Shuning bilen birge, öktichilerning asasliq bazisi bolghan alipo bilen, süriye-türkiye chégrasi ariliqidiki rayonlarda pa'aliyet qilidighan qarshiliq körsetküchi küchlerni qoghdash rolini oynaydu.

Xewerde ilgiri sürüshiche, amérika yene, süriye-i'ordaniye chégrasidiki rayonlardimu uchushqa cheklen'gen rayon qurushni pilanlighan. Közetküchiler, bu xewerning 7‏-noyabir amérika prézidéntliq saylimi axirliship, obama saylamda ghelibe qilghan künde élan qilinishigha diqqet qilghan. Közetküchilerning ilgiri sürüshiche, obama saylamda ghelibe qilghandin kéyin, uning süriye weziyitige ikkilenmey arilishishigha purset tughulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet