Русийә: сүрийидики өктичиләр ғәлибә қилиши мумкин

Бүгүн русийиниң муавин ташқи ишлар министири михайил богданоф русийә ахбаратлирида “сүрийидики қозғилаңчилар йеңип чиқиши мумкин” деди. У йәнә, әсәд күчлириниң контроллуқни йоқитип, барғансери чекинишкә башлиғанлиқини ейтқан.
Мухбиримиз ирадә
2012.12.13

Бүгүнгичә әсәд һөкүмитини қоллап кәлгән русийиниң бир юқири дәриҗилик әмәлдариниң бундақ сөз қилиши хәлқара мәтбуатларниң алаһидә диққитини тартти. Әмма русийә ахбарат васитилириниң ейтишичә, бу русийиниң мәйданини өзгәрткәнликини ипадиләп бәрмәйдикән. Русийә һелиһәм әсәдни қоллайдикән. Әмма бу пәқәт русийиниң әмәлийәтни тунҗи қетим ағзида етирап қилиши болуп һесаблинидикән.

Юқиридики рус әмәлдар сөзидә, бундин кейин сүрийидә урушниң техиму кәскинлишип, техиму көп қан төкүлүши мумкинликини ейтип, икки тәрәпни сүлһигә чақирған шундақла бир рәһбәрни йиқитиш үчүн бунчивала җиқ қан төкүшниң биһудилиқини ейтқан болсиму, әсәд һөкүмитиниң йеңилиш еһтималиниң чоңлуқини билдүргән.

Түнүгүн сүрийигә дост дөләтләр ташқи ишлар министирлири маракәштә чақирилған йиғин ахирида, 100 дин артуқ дөләт сүрийидики инқилаб вә өктичи күчләр бирликини рәсмий етирап қилған иди. Буниң ичидә америкиму бар.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.