Rusiye: süriyidiki öktichiler ghelibe qilishi mumkin

Bügün rusiyining mu'awin tashqi ishlar ministiri mixayil bogdanof rusiye axbaratlirida “Süriyidiki qozghilangchilar yéngip chiqishi mumkin” dédi. U yene, esed küchlirining kontrolluqni yoqitip, barghanséri chékinishke bashlighanliqini éytqan.
Muxbirimiz irade
2012.12.13
Share on WhatsApp
Share on WhatsApp

Bügün'giche esed hökümitini qollap kelgen rusiyining bir yuqiri derijilik emeldarining bundaq söz qilishi xelq'ara metbu'atlarning alahide diqqitini tartti. Emma rusiye axbarat wasitilirining éytishiche, bu rusiyining meydanini özgertkenlikini ipadilep bermeydiken. Rusiye hélihem esedni qollaydiken. Emma bu peqet rusiyining emeliyetni tunji qétim aghzida étirap qilishi bolup hésablinidiken.

Yuqiridiki rus emeldar sözide, bundin kéyin süriyide urushning téximu keskinliship, téximu köp qan tökülüshi mumkinlikini éytip, ikki terepni sülhige chaqirghan shundaqla bir rehberni yiqitish üchün bunchiwala jiq qan töküshning bihudiliqini éytqan bolsimu, esed hökümitining yéngilish éhtimalining chongluqini bildürgen.

Tünügün süriyige dost döletler tashqi ishlar ministirliri marakeshte chaqirilghan yighin axirida, 100 din artuq dölet süriyidiki inqilab we öktichi küchler birlikini resmiy étirap qilghan idi. Buning ichide amérikimu bar.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.