ب ب س ئاگېنتلىقىنىڭ خەۋەر قىلىشىچە، سۈرىيە تاشقى ئىشلار باياناتچىسى بۇ پىكىرنى ئوتتۇرىغا قويغان ھەمدە ئۇ ئۆكتىچىلەرنى تېررورلۇق گۇرۇپپىلىرى دەپ ئاتاپ ئالدى بىلەن ئۇلارنىڭ ئۇرۇش توختىتىشى ھەققىدە ۋەدە بېرىشىنى تەلەپ قىلغان. بىراق ئۆكتىچىلەر ھۆكۈمەتنىڭ بۇ تەلىپىنى قەتئىي رەت قىلدى ھەمدە ئاساد ھۆكۈمىتىنى ئېتىراپ قىلمايدىغانلىقىنى يەنە بىر قېتىم تەكىتلىدى.
7 - ئاپرىل كۈنى سۈرىيىدە يەنە توقۇنۇشلار يۈزبېرىپ 160 ئادەمنىڭ ئۆلگەنلىكى بىلدۈرۈلمەكتە. ئاننان بۇنىڭدىن ئۆزىنىڭ ئېچىنغانلىقىنى بىلدۈرگەن بولسىمۇ، ئەمما سۈرىيە تاشقى ئىشلار مىنىستىرلىكىنىڭ سۆزى ھەققىدە ھېچ نېمە دېمىگەن.