Süriyilik öktichiler dunyani rusiyige qarshi namayishqa chaqirdi

Düshenbe küni axsham élan qilin'ghan bayanatta, öktichiler süriye xelqige dost barliq döletlerni birla peytte yeni charshenbe küni chüshtin kéyin sa'et birde öz döletliridiki rusiye elchilikliri aldida namayish ötküzüshke chaqiriq qilghan. Bayanatta rusiye besher esedning qatilliq heriketlirini qollash we qoghdash bilen eyiblen'gen.

Bügün süriyidiki öktichi küchler merkezleshken xaffe shehiri hökümet küchliri teripidin bombardiman qilin'ghan. B d t we süriye xelqige dost döletler xaffede yéngi bir qirghinchiliqning meydan'gha kélishidin jiddiy endishe qilmaqta.

B b s ning xewer qilishiche, birleshken döletler teshkilati teripidin süriyige ewetilgen közetküchi hey'iti ehwal tekshürüsh üchün haffege kétiwatqanda ularning sheherge kirishi tosalghugha uchrighan. Qayta yolida ular olturghan mashinigha oq chiqirilghan. B d t tinchliq qisimlirining bashliqi bügün nyuyorkta qilghan sözide süriye qisimlirining xaffedin qaytiwatqan b d t hey'itige qesten hujum qilghanliqini éytqan.

Süriyidiki bu toqunushlarning “Ichki urush” qa aylinip kétiwatqanliqi süriyining derhal tinchishini arzu qiliwatqan döletlerni jiddiyleshtürmekte. Alahide elchi kofi annaning xaffadiki hujumlardin kéyin diplomatiyilik pa'aliyetlirining salmiqini ashurghan. Emma mesilidiki achquchluq dölet rusiye bolsa yene öz pikride ching turmaqta.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar