Süriye öktichilirini amérika we yawropa döletlirimu süriye xelqining qanuniy wekili dep tonushqa bashlidi

Öktichiler shuningdin kéyin özlirini süriye xelqining heqiqiy wekili dep élan qilip, xelq'ara jama'et we döletlerning özlirini tonushini we beshar asad hakimiyitige qarshi herikitini desteklishini telep qilghan. Aldinqi küni türkiye tunji bolup, mezkur milliy mejlisini süriye xelqining qanuniy wekili dep tonuydighanliqini étirap qildi.

Tünügün fransiye, bügün amérika hökümitimu öktichilerni tonuydighanliqini élan qildi. Amérika tashqi ishlar bayanatchiliridin mark toner bügün bu heqtiki sözide, öktichilerni tonuydighanliqini bildürüsh bilen birlikte, emdi ularning süriyining ichide öz qudritini ispatlishini ümid qilidighanliqini bildürdi. Toner yene amérikining süriye xelqige bériwatqan insaniy yardimini dawamlashturidighanliqini eskertti.

Amérika awazi radi'osining xewer qilishiche, en'gliye tashqi ishlar ministirimu bügün süriye inqilabiy milliy mejlisining re'isi mu'az xatip bilen körüshüp ularning pilan we programmiliri heqqide melumat sorighan؛ umu süriye milliy mejlisini tonuydighanliqini pat yéqinda élan qilidighanliqini bildürgen؛ rusiye bolsa, mezkur mejlisning süriyide tinchliqni eslige keltürelmeydighanliqini bayan qilghan.