Сүрийилик бир учқучи иорданийидә панаһланди

Бүгүн иорданийә даирилири сүрийилик күрәшчи айропилан учқучисиниң иорданийидә панаһлиниш тәлипини қобул қилғанлиқини җакарлиди. BBC Ниң ейтишичә, русийидә ясалған MIG - 21 типлиқ күрәшчи айропиланиниң учқучиси һәсән әл хамиди өзи башқуруватқан айропиланни һәйдәпла иорданийә тәвәсигә өтүп кәткән вә иорданийиниң сүрийә чегрисиға йеқин җайдики мафрак һава базисиға қонған. Сүрийә даирилири һазир уни “хаин” дәп елан қилип, иорданийидин уни қайтуруп беришни тәләп қилған.
Мухбиримиз ирадә
2012.06.21


Игилинишичә, сүрийилик учқучиниң айропилани билән бирликтә әсәд һөкүмитидин қечиши тунҗи қетим көрүлгән вәқә болуп, исянчилар қурған “мустәқил сүрийә армийиси” ниң баянатчиси әһмәд қасим бирләшмә агентлиқиға қилған сөзидә бу учқучиға өзлириниң хизмәт ишлигәнликини ейтқан.

Бүгүн йәнә русийиниң бир йүк парахоти сүрийигә кетиватқанда шотландийә таможна даирилири йол хетини бикар қилғанлиқтин сүрийигә қаратқан сәпирини давам қилалмай русийигә қайтип кетишкә мәҗбур болған.

Франсийә агентлиқиниң ейтишичә, росийә ташқи ишлар министири сергий лавро бу парахотта сүрийигә әвәтилгән күрәшчи айропилан барлиқини дәлиллигән.

Сүрийидә һелиһәм бомбардиманлар давам қилмақта. Хәлқара қизил крест җәмийити әзалири һумустики бомбардиманда яриланғанларға ярдәм қилиш үчүн шәһәргә кирмәкчи болған болсиму, бомбардиман сәвәблик 10 күндин бери шәһәргә кирәлмигән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.