Süriyilik bir uchquchi i'ordaniyide panahlandi

Bügün i'ordaniye da'iriliri süriyilik küreshchi ayropilan uchquchisining i'ordaniyide panahlinish telipini qobul qilghanliqini jakarlidi. BBC Ning éytishiche, rusiyide yasalghan MIG - 21 tipliq küreshchi ayropilanining uchquchisi hesen el xamidi özi bashquruwatqan ayropilanni heydepla i'ordaniye tewesige ötüp ketken we i'ordaniyining süriye chégrisigha yéqin jaydiki mafrak hawa bazisigha qon'ghan. Süriye da'iriliri hazir uni “Xa'in” dep élan qilip, i'ordaniyidin uni qayturup bérishni telep qilghan.
Muxbirimiz irade
2012.06.21


Igilinishiche, süriyilik uchquchining ayropilani bilen birlikte esed hökümitidin qéchishi tunji qétim körülgen weqe bolup, isyanchilar qurghan “Musteqil süriye armiyisi” ning bayanatchisi ehmed qasim birleshme agéntliqigha qilghan sözide bu uchquchigha özlirining xizmet ishligenlikini éytqan.

Bügün yene rusiyining bir yük paraxoti süriyige kétiwatqanda shotlandiye tamozhna da'iriliri yol xétini bikar qilghanliqtin süriyige qaratqan sepirini dawam qilalmay rusiyige qaytip kétishke mejbur bolghan.

Fransiye agéntliqining éytishiche, rosiye tashqi ishlar ministiri sérgiy lawro bu paraxotta süriyige ewetilgen küreshchi ayropilan barliqini delilligen.

Süriyide hélihem bombardimanlar dawam qilmaqta. Xelq'ara qizil krést jem'iyiti ezaliri humustiki bombardimanda yarilan'ghanlargha yardem qilish üchün sheherge kirmekchi bolghan bolsimu, bombardiman seweblik 10 kündin béri sheherge kirelmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.