Сүрийидики һөкүмәткә қарши намайиши йәнә давамлашмақта

Җүмә күни сүрийә һөкүмәт армийиси һама, дәрра вә һомс шәһәрлиридә намайишчиларға әрәб көзәткүчиләрниң алдида оқ чиқарған.
Мухбиримиз җүмә
2011-12-31
Share

Сүрийилик паалийәтчиләрниң билдүрүшичә, җүмә күни аз дегәндә 35 намайишчи етип өлтүрүлгән.

Хәвәрләргә қариғанда, икки тәрәп арисида кәскин тоқунуш келип чиққан. Һөкүмәт қисимлири намайишчиларға раст оқ, мих бомба вә яш ақтуруш бомбилирини атқан.

Бирләшкән дөләтләр тәшкилатиниң мәлуматиға қариғанда, бу йил марттин буян сүрийә президенти бәшир әл әсәдкә қарши елип бериливатқан намайишларда 5 миңға йеқин адәм өлгән. Әмма, һөкүмәт дарилири намайишни бесиқтуруш җәрянида 2 миң һөкүмәт армийисиниң һаятидин айрилғанлиқини илгири сүргән.

Сүрийә һөкүмити намайишчиларни қанлиқ бастурушни тохтимиғандин кейин, “әрәбләр иттипақи” сүрийигә мустәқил көзәткүчиләрни әвәткән иди.

Мәлум болушичә, җүмә күни 15 миңға йеқин намайишчи дома шәһиридики әрәб көзәткүчиләрниң алдиға келип җим олтурувелиш арқилиқ наразилиқ ипадилигән.

Паалийәтчиләр һөкүмәт қисимлириниң намайишларға раст оқ вә мих бомбиларни атқанлиқини билдүргән.

Мәлум болушичә, көзәткүчиләр намайишчилар топланған мәйдан алдидики бинада икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт