Süriyidiki hökümetke qarshi namayishi yene dawamlashmaqta

Jüme küni süriye hökümet armiyisi hama, derra we homs sheherliride namayishchilargha ereb közetküchilerning aldida oq chiqarghan.
Muxbirimiz jüme
2011-12-31
Share

Süriyilik pa'aliyetchilerning bildürüshiche, jüme küni az dégende 35 namayishchi étip öltürülgen.

Xewerlerge qarighanda, ikki terep arisida keskin toqunush kélip chiqqan. Hökümet qisimliri namayishchilargha rast oq, mix bomba we yash aqturush bombilirini atqan.

Birleshken döletler teshkilatining melumatigha qarighanda, bu yil marttin buyan süriye prézidénti beshir el esedke qarshi élip bériliwatqan namayishlarda 5 minggha yéqin adem ölgen. Emma, hökümet dariliri namayishni bésiqturush jeryanida 2 ming hökümet armiyisining hayatidin ayrilghanliqini ilgiri sürgen.

Süriye hökümiti namayishchilarni qanliq basturushni toxtimighandin kéyin, "Erebler ittipaqi" süriyige musteqil közetküchilerni ewetken idi.

Melum bolushiche, jüme küni 15 minggha yéqin namayishchi doma shehiridiki ereb közetküchilerning aldigha kélip jim olturuwélish arqiliq naraziliq ipadiligen.

Pa'aliyetchiler hökümet qisimlirining namayishlargha rast oq we mix bombilarni atqanliqini bildürgen.

Melum bolushiche, közetküchiler namayishchilar toplan'ghan meydan aldidiki binada iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet