Liwiyidin kéyin süriye weziyitimu gherb döletlirining diqqitini tartmaqta

Bir yérim aydin béri dawam qiliwatqan süriyidiki hökümetke qarshi namayish, yéqinqi 3 kündin béri süriye hökümitining shiddetlik tedbirlirige duch keldi.
Muxbirimiz shöhret hoshur
2011.04.26

Melum bolushiche, süriyidiki namayishlarning bashlan'ghuch nuqtisi we merkizi bolup turuwatqan dara shehiride namayishchilardin yene 25 kishi ölgen.

Süriyidiki insan heqliri teshkilatlirining bayan qilishiche, buning bilen süriyide namayish bashlan'ghandin buyan hökümetning zorawanliq tedbir qollinishida ölgüchilerning sani 400ge yetken.

Bügün yene süriye hökümiti dara shehirige yene bir türküm esker we saqchilarni ewetken. Süriye armiyisi daragha ewetilgen qoshunning wezipisini daradiki puqralarni térrorchilarning ziyankeshlikidin qoghdash dep chüshendürgen.

Süriyidiki weziyetning jiddiylishishi gherb döletlirining endishisini qozghimaqta. Tünügün en'gliye süriye hökümitige küchlük bir signal bérip qoyush üchün, b d t we natodiki hemkarliri bilen muzakire élip bériwatqanliqini bildürse؛ fransiye bilen italiye “Süriyidiki weziyetni qobul qilghili bolmaydu” dep ipade bildürdi.

Washin'gton demeshqtiki elchisige süriyidin qaytip kélish buyruqi chüshürüp, süriye hökümitige qarshi meydanidiki jiddiylikini ipadilidi.

Türkiye metbu'atlirining xewer qilishiche, türkiye bash ministiri rejep tayip erdoghanmu bügün prézidént besher esad bilen téléfonda sözliship, uni islahat qedimini tézlitishke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.