B d t süriye hökümitidin öktichilerni qirghin qilishni toxtitishni telep qildi

Présning bildürüshiche, süriyidiki toqunushta hazirghiche hökümet tereptin öltürülgen öktichiler 5000 din ashqan, tutqun qilin'ghan öktichiler 14 mingdin éship, 10 mingdin artuq kishi qoshna ellerge musapir bolup chiqip ketken.

Süriye hökümet terepmu bügün bayanat élan qilip, öktichiler qozghighan topilangni basturush jeryanida hökümet terep saqchi-eskerliridin 1000 din artuq ademning ölgenlikini bildürdi.

Bu yil etiyazda bashlan'ghan süriyidiki öktichi küchler teshkilligen, süriyide démokratiyini telep qilip, besher esed hökümitige qarshi qozghalghan namayishni beshar esed hökümitining qoral küchi arqiliq basturushi xelq'ara kishilik hoquq teshkilatliri hem gherb döletlirining eyiblishige uchrap kelmekte.

Nöwette köpligen döletler süriyidiki öktichilerge hésdashliq bildürüp, beshar esed hökümitining xelqning naraziliq namayishini basturushta ziyade küch qollan'ghanliqini eyiblep, xelq'arada süriyining beshar ased hökümitige qarshi jaza qollinish kéreklikini tekitlimekte.