Xitay süriye öktichiliridin hökümet küchlirige qarshi hujumni toxtitishni telep qildi
2012.03.30
Xitay hökümiti ilgiri rusiye bilen birliship, b d t ning bashar esed hökümitini tenqid qilish toghrisidiki 3 qétimliq qarar layihisige qarshi awaz bergen. Xitay bu qétim xelq'ara jama'etchilik bashar esedning b d t tinchliq wekili kofi annan otturigha qoyghan 6 nuqtiliq urush toxtitish pilanini ijra qilishigha guman bilen qarawatqan bir mezgilde, süriyilik öktichilirini urush toxtitishqa chaqirghan.
Bashar esed ötken jüme küni kofi annanning 6 nuqtiliq tinchliq pilanini qobul qilghanliqini jakarlighan idi.
Xitay tashqi ishlar ministirliqi bayanatchisi xong léy jüme küni yene eskertip: biz süriye öktichilirini téz inkas qayturup, di'alog bashlash we zorawanliqni toxtitishning shert shara'itini hazirlashqa chaqirimiz, dégen.
Süriye öktichi küchliri kofi annanning 6 nuqtiliq pilanini éhtiyat bilen qarshi alidighanliqini bildürgen idi. Ular bashar esedning tinchliq pilanini peqet waqitni qolgha keltürüsh üchün qobul qilip, öktichilerni téximu keng kölemlik basturush pursitige érishishidin ensireydiken.
Gerche bashar esed, annanning tinchliq pilanini qobul qilghanliqini bildürüp aridin 4-5 kün ötken bolsimu, biraq hökümet qisimlirining öktichi küchlirige qaratqan hujumi hazirgha qeder toxtimighan.
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- “Uyghur xelq naxshiliri” ni ögitishmu yaki Uyghurlargha “Heywe” körsitishmu?
- Amérika awam we kéngesh palata ezaliri xitayning gülshen abbasni derhal qoyup bérishni telep qilghan
- Uyghurshunaslar: prinséton uniwérsitétida “Eziz eysa elkün Uyghur edebiyati eserliri toplanmisi” ning bolushi tarixiy ehmiyetke ige
- Amérika emgek ministirliqi yighinida “Uyghur mejburiy emgikining aldini élish qanuni” ni qattiq ijra qilish kérekliki qayta tekitlendi