Хитай вә русийә сүрийә һөкүмитини җазалашни йәнә рәт қилди

Бүгүн хитай вә русийә б д т хәвпсизлик кеңишидә авазға қоюлған сүрийә һөкүмитини җазалаш тәдбирлирини йәнә рәт қилип, ғәрб дөләтлириниң қаттиқ ғәзипини қозғиди.
Мухбиримиз ирадә
2012-07-19
Share

Франсийә агентлиқиниң баян қилишичә, әнглийиниң хәвпсизлик кеңишидики вәкили лял грант бүгүн бәргән баянатида "кеңәштин чиққан бу нәтиҗә әнглийини қаттиқ чөчүтти. Русийә вә хитай рәт қилиш һоқуқидин пайдилинип бу залим һакимийәтни қоғдиди. Милйонларчә сүрийә хәлқиниң җенини өз мәнпәити үчүн қурбан қилди" дегән.

Америка, әнглийә вә франсийиму өз баянатлирида б д т 'ниң сүрийә хәлқигә йүз келәлмәйдиғанлиқини ипадә қилған.

Хитай вә русийә бундин илгириму икки қетим сүрийә һөкүмитини қирғинчилиқтин тохтитиш мәқсәт қилинған қарар лайиһисини рәт қилип, б д т ни сүрийә мәсилисидә паләч һалға чүшүрүп қойған иди. Шуниңдин бери гәрчә алақидар дөләт вә тәшкилатларниң рәһбәрлири сүрийә мәсилисидә русийә вә хитайни мақул кәлтүрүш үчүн нурғун дипломатик тиришчанлиқларни көрсәткән болсиму, әмма буниң үнүми болмиғанлиқи мәлум болди.

Хитай вә русийә б д т хәвпсизлик кеңишидә җаза тәдбирини рәт қиливатқанда сүрийидә болса һөкүмәт күчлири өктичи күчләргә қаратқан қораллиқ һәрикәтни ашуруп, исянчиларни пайтәхттин узақлаштуруш үчүн танка, тик учар вә еғир типлиқ қоралларни ишқа селишқа башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт