Хитайда һормонлуқ сүт парашоки вәқәси йүз бәрди

Хитайда зәһәрлик сүт парашоки вәқәсидин кейин, әмди һормонлуқ сүт парашоки вәқәси йүз бәрди. Игилинишичә, хубейдики "шиңйүән" маркилиқ сүт парашокини истимал қилған қиз бовақларда балдур йетилиш аламәтлири көрүлгән.
Мухбиримиз ирадә
2010.08.10
Share on WhatsApp
Share on WhatsApp

Буларниң арисида вухән шәһиридики әмдила төт айлиқ болған бир қиз бовақниң бәдинидики һормонниң миқдари балағәткә йәткән аялниң һормони билән охшаш чиққан.

Вәқәдин кейин зиянкәшликкә учриған қиз бовақниң аилисидикиләр сүт парашокида һормон барлиқидин гуман қилип, уни бир қисим тәкшүрүш орунлириға елип барған болсиму, бу орунлар сүт парашокини тәкшүрүшни рәт қилип турувалған.

Мунасивәтлик даириләрму вәқәгә әһмийәт бәрмигән. Шиңйүән сүт парашоки завутиму өткән һәптиниң ахирида баянат берип өз мәһсулатлирида һормон барлиқини инкар қилған. "Һормонлуқ сүт парашоки" му дуканларда давамлиқ сетиливәргән.

Б б с'ниң хәвәр қилишичә, әһвал бир қисим ахбарат вастилирида йәр алғандин кейин, бүгүн йәни сәйшәнбә күни җуңго сәһийә министирлиқи вәқәгә инкас қайтурған. Улар министирлиқниң хубий өлкисидики алақидар тармақларға вәқә үстидә тәкшүрүш елип бериш һәққидә йолйоруқ бәргәнликини, нәтиҗиси чиққан һаман елан қилидиғанлиқини билдүргән.

Хитайда ишләпчиқириливатқан сүт парашоклиридин давамлиқ мәсилә көрүлүп, балиларниң сағламлиқиға еғир тәһдит пәйда қилмақта.  

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.