Xitayda hormonluq süt parashoki weqesi yüz berdi

Xitayda zeherlik süt parashoki weqesidin kéyin, emdi hormonluq süt parashoki weqesi yüz berdi. Igilinishiche, xubéydiki "shingyüen" markiliq süt parashokini istimal qilghan qiz bowaqlarda baldur yétilish alametliri körülgen.
Muxbirimiz irade
2010.08.10
Share on WhatsApp
Share on WhatsApp

Bularning arisida wuxen shehiridiki emdila töt ayliq bolghan bir qiz bowaqning bedinidiki hormonning miqdari balaghetke yetken ayalning hormoni bilen oxshash chiqqan.

Weqedin kéyin ziyankeshlikke uchrighan qiz bowaqning a'ilisidikiler süt parashokida hormon barliqidin guman qilip, uni bir qisim tekshürüsh orunlirigha élip barghan bolsimu, bu orunlar süt parashokini tekshürüshni ret qilip turuwalghan.

Munasiwetlik da'irilermu weqege ehmiyet bermigen. Shingyüen süt parashoki zawutimu ötken heptining axirida bayanat bérip öz mehsulatlirida hormon barliqini inkar qilghan. "Hormonluq süt parashoki" mu dukanlarda dawamliq sétiliwergen.

B b s'ning xewer qilishiche, ehwal bir qisim axbarat wastilirida yer alghandin kéyin, bügün yeni seyshenbe küni junggo sehiye ministirliqi weqege inkas qayturghan. Ular ministirliqning xubiy ölkisidiki alaqidar tarmaqlargha weqe üstide tekshürüsh élip bérish heqqide yolyoruq bergenlikini, netijisi chiqqan haman élan qilidighanliqini bildürgen.

Xitayda ishlepchiqiriliwatqan süt parashokliridin dawamliq mesile körülüp, balilarning saghlamliqigha éghir tehdit peyda qilmaqta.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.