Хитайниң сүт парашоки сәтчилики күндин - күнгә күчәймәктә

Яврупа иттипақи пәйшәнбә күни, хитайниң сүт тәркиви билән ясалған барлиқ йемәклирини чәкләш тоғрисидики қарарини елан қилидиғанлиқини билдүрди.
Мухбиримиз әқидә
2008.09.25

Бирләшкән дөләтләр тәшкилати балилар фонди билән дуня сәһийә тәшкилати, хитай завутлирида ишләнгән зәһәрлик сүт парашокидин мәйданға кәлгән ақивәтләр сәвәблик, хитайни әйиблигән иди. Һазирға қәдәр 20 гә йеқин дөләт һөкүмити, хитайниң сүтлүк йемәклирини импорт қилишни вә сетишни тохтатти.

Тәйвән сәһийә ишлири мәсули, хитайдин зәһәрлик сүт парашоки импорт қилғанлиқи үчүн вәзиписидин истипа бәргән. Буниңдин сирт тәйвән даирилири мүтәхәсисисләр һәйити тәшкилләп, чоң қуруқлуқтики сүт парашоки завутлирида тәкшүрүш елип беришни қарар қилған, бирақ буниңдин келип чиққан зиянни төләтмәйдиғанлиқни билдүргән.

Хитай һөкүмити нөвәттә қилишқа тегишлик барлиқ чарә ‏ - тәдбирләрни ишлитип, бу һадисиниң әкс тәсирини контрол қилишқа тиришмақта. Хитай дөләт сүпәт тәкшүрүш идарисиниң бир хадиминиң ейтишичә, кейинки икки йил ичидә хитайда мәһсулатларни сүпәт вә өлчәм җәһәттә мәхсус тәкшүридиған 400 мәркәз тәсис қилидикән, буларниң ичидә 80 мәркәз йемәк үстидә тәкшүрүш елип баридикән.

Бу арида франсийә агентлиқи, бихәтәр болмиған хитай мәһсулатлириниң сода базирида арқа ‏ - арқидин ашкарилиниши, хитай мәһсулатлириниң буниңдин кейинки базириға еғир зиян елип келидиғанлиқини тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.