Xitayning süt parashoki setchiliki kündin - kün'ge kücheymekte

Yawrupa ittipaqi peyshenbe küni, xitayning süt terkiwi bilen yasalghan barliq yémeklirini cheklesh toghrisidiki qararini élan qilidighanliqini bildürdi.
Muxbirimiz eqide
2008-09-25
Share

Birleshken döletler teshkilati balilar fondi bilen dunya sehiye teshkilati, xitay zawutlirida ishlen'gen zeherlik süt parashokidin meydan'gha kelgen aqiwetler seweblik, xitayni eyibligen idi. Hazirgha qeder 20 ge yéqin dölet hökümiti, xitayning sütlük yémeklirini import qilishni we sétishni toxtatti.

Teywen sehiye ishliri mes'uli, xitaydin zeherlik süt parashoki import qilghanliqi üchün wezipisidin istipa bergen. Buningdin sirt teywen da'iriliri mütexesisisler hey'iti teshkillep, chong quruqluqtiki süt parashoki zawutlirida tekshürüsh élip bérishni qarar qilghan, biraq buningdin kélip chiqqan ziyanni töletmeydighanliqni bildürgen.

Xitay hökümiti nöwette qilishqa tégishlik barliq chare ‏ - tedbirlerni ishlitip, bu hadisining eks tesirini kontrol qilishqa tirishmaqta. Xitay dölet süpet tekshürüsh idarisining bir xadimining éytishiche, kéyinki ikki yil ichide xitayda mehsulatlarni süpet we ölchem jehette mexsus tekshüridighan 400 merkez tesis qilidiken, bularning ichide 80 merkez yémek üstide tekshürüsh élip baridiken.

Bu arida fransiye agéntliqi, bixeter bolmighan xitay mehsulatlirining soda bazirida arqa ‏ - arqidin ashkarilinishi, xitay mehsulatlirining buningdin kéyinki bazirigha éghir ziyan élip kélidighanliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet