Оттура асия учур торида елан қилинған "таҗикистанда тил тазилаш һәрикити башланди" мавзулуқ тәпсилий хәвәрдә йезилишичә, таҗикистан һөкүмити таҗик тилини рәсмий дөләт тили қилип бекиткәндин кейин, қанун мақуллап, таҗик тилини өгиниш вә униң һәр саһәдә ишлитилишини қоғдашқа башлиған. Бәлгилимә бойичә һазир пүтүн дөләт органлириниң һәммиси пәқәтла таҗик тили ишлитишкә көчкән болуп, һәтта чәтәл ширкәтлириниңму өз ширкәтлириниң исимлири, вивискилирини таҗик тилида йезиши бәлгиләнгән. Дөләт тили қануни бузған адәмләр җазаға тартилған болуп, мундақ җинайи делодин он нәччиси тәптиш мәһкимисигә йолланған.