Таҗикистан һөкүмити мәктәпләргә ислам дәрси киргүзди

Таҗикистан мустәқил болуп, 18 йилидин кейинки бу күнләрдә маарип саһәсидә йәнә бир йеңилиқ пәйда қилған. У болсиму, оттура мәктәпләрдә рәсмий түрдә "ислам мәрипәти" дәп аталған бир диний дәрсни тәсис қилиш болуп һесаблинидикән.
Мухбиримиз үмидвар
2009.09.20

Оттура асия мәтбуатлириниң хәвәр қилишичә, мәктәпләрдики бу дәрсләрни исламшунас оқутқучилар әмәс, бәлки моллилар бериши мумкин икән. Бу дәрсләрни өтидиған мәхсус мәдристә оқуған моллиларниң алди билән педагогикилиқ тәрбийә көрүши керәклики тәшәббус қилинған болуп, мәктәпләрдә мәхсус ислам дәрсиниң турғузулушидики сәвәб нөвәттә, таҗикистанда йүз бериватқан яшларниң һәр хил диний еқимларға кирип кетишиниң алдини елиштин ибарәт икән.
    
Һазирчә "ислам мәрипәти" дәп аталған мәзкур дәрс пәқәтла таҗик мәктәплириниң юқири синиплирида өтүлмәктә икән. Кәлгүсидә бу дәрслик һәрқайси мәктәпләрдә диний етиқади вә миллитиниң қандақ болушидин қети нәзәр даимлиқ дәрс супитидә өткүзилидикән.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.