Хитай уйғур елиниң байлиқлирини йөткәш қәдимини тезләтмәктә

Хитай һөкүмити уйғур елидин хитай өлкилиригә туташтурулидиған йеңи томур йол линийисиниң қурулушини башлиди. Бу линийә 2013 - йили рәсмий ишқа кириштүрүлидикән. Шинхуа агентлиқида көрситишичә, уйғур елидики төмүрйол ширкити бу һәқтики хәвәрни өткән пәйшәнбә күни ашкарилиған.
Мухбиримиз җүмә
2010-04-19
Share

Мәлум болушичә, бу нөвәт ясилидиған қош релис қурулуши тамамланса, әслидики қош релис мәхсус йүк тошуйдиған релисқа айландурулуп, йеңи қош релис мәхсус йолучи тошуйдиған релисқа айландурулидикән.

Хәвәрдә нәқил қилишичә, қумул вилайити тәвәсидә елип бериливатқан төмүрйол қурулушиға мәсул җин диниң билдүрүшичә, йеңидин ясиливатқан төмүрйол юқири сүрәтлик болуп, әң юқири тезлики саитигә 250 километирға йетидикән. Шундақ болғанда ләнҗудин үрүмчигә келиш мусаписи 10 саәт қисқирайдикән.

Хәвәрдә ашкарилинишичә, мәзкур йеңи төмүрйол линийисиниң чиңхәй - гәнсу бөликидә бу йил марттила иш башлинип болған икән.

Уйғур ели интайин мол йәр үсти вә яр асти байлиқлириға игә. Хитай мәзкур районниң байлиқлирини йөткәш қәдимини һәр хил васитиләр билән тезлитишкә башлимақта.

Хәвәрдә көрситишичә, бу йил уйғур елидин 30 милйон тонна көмүр хитайниң башқа өлкилиригә тошулидикән. Бу 2012 йилиға кәлгәндә 50 милйон тонниға йәткүзүлидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.