Talibanlar bilen muresse qilishning istiqbalini tuman qaplidi

Fransiye agéntliqining bayan qilishiche, afghanistan tinchliq kéngishining re'isi, afghanistanning sabiq mu'awin prézidénti, yillardin buyan afghanistan hökümiti bilen talibanlarni muressege keltürüsh üchün térishchanliq körsitip kéliwatqan buhaniddin rebbani, 20‏-séntebir küni -del dunya tinchliqi xatire küni, kabulda yüz bergen partlitish weqeside hayatidin ayrildi.
Muxbirimiz weli
2011.09.21

Talibanlarning bayanatchisi mujahiddin, rebbani talibanlar pilanlighan bu partlitish arqiliq öltürüldi, partlatquch rebbanigha yéqinlashqan bir mujahidning sellisige yoshurup qoyulghan idi dep jakarlidi.

Xewerde éytilishiche, rebbani 1940‏-yili afghanistanning bedeqshan ölkiside tughulghan, 59‏-yili kabul uniwérsitétining diniy ilim proféssori bolghan. 1979‏-Yili sowét ittipaqi ishghaliyitige qarshi partizanliq urushigha qatnashqan.

1992‏-Yili afghanistanning mu'awin prézidénti bolghan. Bu weqedin kéyin, afghanistan hökümitining talibanlar bilen muresse qilish üchün körsitiwatqan tirishchanliqining istiqbalini tuman qaplidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.