"Taymiz" géziti: xeywudning ölümi kompartiye ichidiki hoquq körüshi bilen munasiwetlik

En'gliye "Taymiz" géziti xewer élan qilip, en'gliyilik sodiger xeywudning ölümi xitay kompartiyisi yuqiri qatlimidiki hoquq körüshi bilen munasiwetlik ikenlikini ilgiri sürdi. En'gliyilik sodiger xeywudning sabiq chungching sheherlik partkom sékrétari, kompartiye siyasiy byuro ezasi bö shiley bilen yéqin aghinidarchiliq munasiwiti barliqi qeyt qilin'ghan idi.
Muxbirimiz erkin
2012-03-30
Élxet
Pikir
Share
Print

Xeywud ötken yili 11‏-ayda chongchidiki bir méhmanxanida tuyuqsiz ölgen. Saqchi terep ilgiri uninggha "Haraqni köp ichiwétip ölgen" dep di'agnoz qoyup, uning jesitini derhal köydürüwetken idi. Biraq yéqinda bö shiley hoquqidin aghdurulghandin kéyin, uning suyiqestke uchrighan bolushi mumkinliki otturigha qoyulghan.

En'gliye hökümiti uning ölüsh sewebi chungching saqchi da'iriliri chüshendürgendek undaq bolmasliqi mumkinlikini élan qilghan. Béziler uning bilen bö shileyning ayali arisida ixtilap yüz bérip, öltürülgenlikini ilgiri sürgen idi.

Lékin "Taymiz" gézitide bügün élan qilin'ghan xewerde ilgiri sürülüshiche, bir en'gliye hökümet emeldari xeywudning ölümi yéqinda aghdurulghan chungching partkom sékrétari bö shiley bilen alaqidar ikenlikini ashkarilighan.

Xewerde yene, chungching sheherlik j x idarisining bashliqi wang lijün bu 2‏-ayning bashliri amérika konsulxanisigha kirishtin sel burun, en'gliyining chongchidiki konsulxanisigha téléfon qilip, ulardin körüshüshni telep qilghanliqini bildürgen. Xewerde eskertilishiche, xeywudning ölüm sewebi bö shiley bilen wang lijünning munasiwitining buzulushigha seweb bolghan amillarning biri bolushi mumkin.

Toluq bet