خىتاي خەلق ئىشلار مىنىستىرلىقىنىڭ جۈمە كۈنىدىكى باياناتىغا قارىغاندا، يۇقىرىقى رايوندا يۈز بەرگەن ئاپەتلەردە دۈشەنبە كۈندىن، جۈمە كۈنىگىچە بولغان بەش كۈن ئىچىدە جەمئىي 25 ئادەم ئۆلگەن، 25 ئادەم ئىز-دېرەكسىز يوقالغان، 671 مىڭ 200 ئادەم ئۆي-ماكانلىرىدىن ئايرىلغان.
مەلۇم بولۇشىچە، جەنۇبىي خىتايدا بۇ ئايدىن باشلاپ كۆرۈلۈۋاتقان يامغۇر ئاپىتىدە مىڭلىغان ئادەم ئوي ماكانلىرىدىن ئايرىلغاندىن باشقا يەنە 170 ئادەم ئۆلگەن.
بۇ نۆۋەتلىك يامغۇر ئاپىتى خىتاينىڭ چېڭدۇ-كۈنمىڭ تۆمۈريول لىنىيىسىدە توسۇلۇش پەيدا قىلغان.
خىتاينىڭ جەنۇبىدىكى بىر قىسىم ئۆلكىلەردە ئۆتكەن ئايدا ئېغىر قۇرغاقچىلىق ئاپىتى يۈز بېرىپ 34 مىليون ئادەمگە تەسىر كۆرسەتكەنلىكى ئىلگىرى سۈرۈلگەن ئىدى.