Хитай мунасивәтлик даирилири хитай ичидә зор көләмлик тәбиий газ амбири ясашқа башлиған

Хитай мунасивәтлик даирилири хитай ичидә зор көләмлик тәбиий газ амбири ясашқа башлиған. Хитай ахбаратлирида көрситишичә, мәзкур амбаллар хитайниң тәбиий газ импорт миқдарини төвәнлитиш мәқситидә лайиһиләнгән.
Мухбиримиз җүмә
2010.07.26

Хитайдин чиқидиған "иқтисад вақит гезити" дә бу һәқтә елан қилған бир тәтқиқат доклатидин нәқил елип көрситишичә, хитай 2020 - йилиға барғанда интайин көп миқдарда төвән нисбәттә суюқландурулған тәбиий газға еһтияҗлиқ болидикән.

Доклатта мундақ дейилгән :" 2020 - йилидин кейин өзимиз ишләпчиқарған тәбиий газлар базарға селинип, җуңгониң барғанчә ешип бериватқан еһтияҗини қамдайду".

Доклатта хитайниң йәнә, көмүр вә сланетс теши гази қатарлиқлардин пайдилинип газға болған еһтияҗни төвәнлитидиғанлиқи илгири сүрүлгән.

Франсийә агентлиқи бу айниң 20 - күни хитай дөләтлик нефит ширкитиниң уйғур елидә нефит вә тәбиий газ ишләпчиқириш миқдарини һәссиләп ашуридиғанлиқини елан қилған иди.

Хәвәрдә көрситишичә, мәзкур ширкәт, райондики нефит ишләпчиқириш миқдарини һазирқи 18 милйон тоннидин 30милйон тонниға, газ ишләпчиқириш миқдарини 23 милярд күп метирдин 29 милярд күп метирға йәткүзидиғанлиқини әскәрткән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.