Obama amérikining tinch okyan qisimlirining qomandanini almashturmaqchi

Bügün amérika prézidénti barak obama liwiyidiki herbiy herikette muhim rol oynighan général samul loklirni amérika tinch okyan qisimlirining qomandanliqigha namzat qilip körsetti.
Muxbirimiz irade
2011.12.29
Share on WhatsApp
Share on WhatsApp

Eger qarar amérika dölet mejlisi teripidin maqullansa, général samul loklir amérikining gherbiy qirghiqidin bashlan'ghan pütün tinch okyan rayonida wezipe ötewatqan 300 ming kishilik herbiy qisimlirigha qomandanliq qilidu.

Général samul loklir amérikining yawropa we afriqa elliridiki déngiz armiye küchlirining bashliqi shundaqla nato birleshme armiyisining naplésta turushluq qisimlirining qomandanidur. U liwiyidiki " uchush cheklen'gen rayon" ning teshkillinishide rol oynighan.

Birleshme agéntliqining xewer qilishiche, eger général loklir bash shtabi xawayda turushluq amérika tinch okyan qisimlirining qomandani bolsa, u asas küchini xitayning kündin kün'ge éship bériwatqan iqtisadiy we herbiy küchige shundaqla shimaliy koriyidin kélidighan yadro tehditige taqabil turushqa qaritidiken.

Obamaning loklirni amérika tinch okyan qisimlirining qomandanliqigha körsitishi obama hökümitining yéqinqi aylardin béri asiya-tinch okyan rayonidiki tesir da'irisini kéngeytish pa'aliyetlirini kücheytken mezgilge toghra keldi. Obama téxi yéqindila amérikining rayondiki herbiy küchini ashuridighanliqi we awstraliyide 2500 kishilik herbiy baza quridighanliqini jakarlighan idi.

Amérika tinch okyan qisimlirining hazirqi qomandani général robért willard 2009-yili wezipige teyinlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.