Xitay oqughuchilargha 100 ming yüen pul i'ane qilghan tijaretchi alim 10 tesirlik shexs namzatliqigha kirgüzülgen

Xitayning guyju ölkiside kawapchiliq qiliwatqan alim isimlik Uyghur tijaretchi, 8 yildin buyan guyjudiki a'ile qiyinchiliqi bar xitay oqughuchilargha jem'iy 100 ming yüendin artuq pul i'ane qilghan. Uning ish izliri yéqinqi aylardin béri xitay axbarat wasitiliride xewer qilinip munaziriler qozghighan idi. Shinxu'a agéntliqining xewer qilishiche alim, xitaydiki 2010-yilliq 10 tesirlik shexs namzatliqigha kirgüzülgen.
Muxbirimiz shöhret hoshur
2010.12.29

Xitay metbu'atlirining xewer qilishiche, Uyghur aptonom rayonining partkom sékrétari jang chünshyen 10 tesirlik shexsni bahalash pa'aliyitige awaz bérip, Uyghur saxawetchi alim üchün bilet tashlighan. Xewerlerde jang chünshyenning bu arqiliq kishilerni milletler ittipaqliqi üchün ilhamlanduruwatqanliqi bildürülgen. Emma, alimning xitay oqughuchilargha pul i'ane qilish ishi muhajirettiki Uyghur tordashlarning anche alqishigha ériship kételmigen. Amérika Uyghur birleshmisining torbétidiki bu heqtiki inkaslarda, Uyghur élide minglighan oqughuchilar, xitaydikidin nechche hesse qiyin shara'itlarda oquwatqan, hetta oquyalmaywatqan ehwalda, alimning xitay oqughuchilargha 100 ming yüen pul i'ane qilishi hamaqetlik dep tenqidlen'gen.

Melum bolushiche, xitay merkizi téléwiziye istansisi 27-dékabir küni alimning ish-izlirini teshwiq qilip mexsus xewer ishligen. Bügün dunya Uyghur qurultiyining bayanatchisi dilshat rishit bu heqte pikir bayan qilip, xitay teshwiqat wasitilirini Uyghur yashlirini siyasiy jehettin bixudlashturushqa tirishiwatidu dep eyiblidi hem "Uyghurlarning heqiqiy öginish ülgiliri xitayning sherep taxtilirida emes, belki uning türmiliride" dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.