Тәйвән президенти ма йиңҗу, шинхуа агентлиқиниң зиярәт тәклипини рәт қилди

Тәйвән президенти ма йиңҗу, хитай ахбарати шинхуаниң зиярәт қилиш тәклипини рәт қилди. Бу һәқтики хәвәрни тәйвән һөкүмити баянатчиси 2 - ноябир дүшәнбә күни җакарлиди.
Мухбиримиз җүмә
2009-11-02
Share

Баянатчиниң билдүрүшичә, тәйвән президенти ма йиңҗу вақти тоғра кәлмигәнликини көрситип шинхуа ахбаратиниң зиярәт қилиш тәлипини рәт қилған.

Тәйвән һөкүмити ахбарат ишханисиниң мудири сун җиңпиң: "бу һәқтики тәклипнамини президент қобул қилмиди" дегән вә йәнә, вақт мәсилисиниңму мәзкур тәклипниң рәт қилинишиға сәвәб болған амилларниң бири икәнликини оттуриға қойған.

Тәйвән даирилири тәйвәндә турушлуқ хитай чоң қуруқлуқ мухбирлириниң тәйвәндә һәрикәт қилиш чәклимисини бир аз бошатқан иди. Мәлум болушичә, һазир хитай мухбирлири тәйбей шәһири сиртида паалийәт елип бармақчи болса тәйвән даирилиридин рухсәт алмисиму болидикән.

Ма йиңҗу откән йили тәйвән президенти болуп сайланғандин кейин, хитайға майил сиясәтләрни йүргүзгән иди. Ма йиңҗуниң хитай ахбаратиниң зиярәт тәлипини рәт қилиши хитай - тәйвән мунасивәтлири йәнә бир қатар синақларға дуч келиватқан пәйтләргә тоғра кәлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт