Teywen hökümiti: 'biz rabiye qadirni héchqachan térrorchi démiduq'

Bügün teywen hökümiti, rabiye qadir xanim heqqidiki talash - tartishlargha izahat bérip, teywen hökümitining, héchqachan rabiye xanimni térrorchi dep baqmighanliqini bildürdi.
Muxbirimiz shohret hoshur
2009.09.29

Teywen ichki ishlar ministiri ji'ang yi xu'a ötken hepte, dunya Uyghur qurultiyining re'isi rabiye qadir xanimgha wiza bérilmeydighanliqini bildürgen, buning sewebini dölet bixeterliki we jemiyet tertipini közde tutush dep chüshendürgen hem dunya Uyghur qurultiyining ikki térrorchi teshkilat bilen alaqisi barliqini eskertken idi.

Bügün teywen parlaméntida bu heqte talash - tartish bolghan. Teywen memuri mehkisining bashlighi wu dunyi bu heqtiki so'allargha jawab bérip, "teywen hökümiti héchqachan rabiye qadir xanimni térrorchi démidi, u rehberlik qiliwatqan dunya Uyghur qurultiyinimu térrorchi teshkilat démidi" dep izahat bergen.

Jyang yixu'a ötken heptidiki sözide, sherqi türkistan azadliq teshkilati bilen sherqi türkistan islam herkitini térrorchi teshkilat dep tilgha alghan idi. Bügün teywen memuriy mehkime bashlighi, jyang yixu'aning sözlirining xata bolmighanlini bayan qilghan we dunya Uyghur qurultiyining bash katipi dolqun eysaning xelqara saqchining qara tizimlikidiki kishi ikenlikini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.