Тәйвәнгә қанунсиз киргән бир хитай пуқраси өзиниң демократийини көрүп беқиш үчүн кәлгәнликини илгири сүрди

Б б сниң ейтишичә, го фамилилик бу киши уйғур елидин кәлгән болуп, у үрүмчидин пойизға олтуруп, шяминға кәлгән. Арқидин су йоли арқилиқ 7 саәт сәрп қилип җиң минға кәлгәндә тәйвән чегра чарилаш сақчилириниң қолиға чүшкән.

Мухбирлар униң тәйвәнгә келиш сәвәбини сориғанда у өзиниң тәйвәндә келәр ай өткүзүлидиған президент сайлимини өз көзи билән көрүп беқиш үчүн кәлгәнликини ейтқан. Техиму қизиқарлиқи, у мухбирларға “тәйвән билән җуңго һәр иккилиси бир дөләт турса, силәр немишқа мени чегридин қанунсиз кирди, дәп қолға алисиләр?” дегән вә койза селинған қолини мухбирларға көрситип “буни қандақму демократийә дегили болсун” дәп ғовға қилған.

1949-Йили, җаң кәйши башчилиқидики җуңхуа минго һөкүмити тәйвәнни база қилип ятқандин буян айрим һакимийәт йүргүзүп кәлмәктә. Әмма хитай коммунистлири тәйвәнни өзиниң бир қисми тәриқисидә көрмәктә.

Тәйвән президенти майиңҗу келәр ай өткүзүлидиған президент сайлимиға тәйярлиқ қиливатқан болуп, демократийә вә тәрәққият партийисиниң намзати сәй йиңвен униң күчлүк рәқиби икән. Ма йиңҗу сайлам паалийәтлиридә қилған сөзиниң биридә, тәйвәнниң демократийиси аста-аста хитайға тәсир көрситиду, дегән.