Teywen xitayning ayrodrom we déngiz portlirini nishanlighan bashqurulidighan bomba sistémisi qurmaqta

Fransiye axbarat agéntliqining teywendiki yerlik axbarat wastiliridin neqil élip xewer qilishiche, teywen nöwette xitayning ayrodrom we déngiz portlirini hujum nishani qilghan ilghar tiptiki bashqurulidighan bomba sistémisini berpa qilmaqta.
Muxbirimiz shohret hoshur
2010-11-02
Élxet
Pikir
Share
Print

Wen jyen yeni 10 ming xenjer dep nam bérilgen bu sistémigha, 97 milyon dollar meblegh sélin'ghan bolup, bu sistéma bu yilning béshida deslepki basquchluq sinaqtin muweppeqiyetlik ötken.

Xewerde bildürülüshiche, bu bashqurulidighan bombilarning her biri 100 dane tarmaq bombidin tüzülgen bolup, xitay chong quruqluqidiki ayrodrom etrapidiki yollarni buzup tashlap ayrodromlarni palech halgha ekilip qoyush iqtidarigha ige.

Teywen herbiy emeldarliridin lin yüfang, bügün muxbirlarning bu heqtiki so'aligha jawaben, mezkur bashqurulidighan bomba sistémisining qurulushida ilgirilesh bolghanliqini bayan qilghan؛ emma tepsiliy melumat bérishni ret qilghan.

Melum bolushiche, teywen yene "yerlik mudapi'e urushchiliri" dep nam bérilgen yéngi tiptiki yene bir bashqurulidighan bomba sistémisigha 2011 - we 2012‏ - yillarda 15 milyard dollar meblegh salmaqchi.

Toluq bet