Вәллйис грәгсин: 'тәйвәнни хитайниң һуҗумидин қоғдаш үчүн қорал сетип беримиз'

Америка мудапиә министирлиқиниң юқири дәриҗилик бир әмәлдари тәйвәнгә қорал - ярақ сетип беришни давам қилишиниң сәвәбини тәйвәнни хитайниң һуҗумидин қоғдаш үчүн дәп көрсәтти.
Мухбиримиз ирадә
2010-01-14
Елхәт
Пикир
Share
Принт

Б б с ниң хәвиридин мәлум болушичә, америка мудапиә министирлиқиниң асия - тенч окян ишлириға мәсул муавин министири вәллйис грәгсин америка авам палатаси һәрбий ишлар комитетиниң испат аңлаш йиғинида қилған сөзидә, һәрбий әслиһәлирини заманивийлаштуруш қәдимини тиз сүрәт билән ашуруватқан хитайниң тәйвән вә әтрапидики башқа қошна дөләтләргә һәрбий җәһәттин тәһдит пәйда қилишидин әнсирәватқанлиқини билдүрди.

У йәнә, америка - хитай оттурисидики хата чүшәнчиниң вә сәвәнликләрниң тәкрарлинишиниң икки дөләт арисида тәһдит вә тоқунуш пәйда қилидиғанлиқини тәкитлиди.

Игилинишичә мәзкур йиғинда йәнә, хитайниң һәрбий күчиниң ешип бериши билән тәйвән - хитай арисида һәрбий күч җәһәттә тәңпуңсизлиқ мәйданға келиватқанлиқи оттуриға қоюлған.

Америка мудапиә министирлиқиниң асия - тенч окян ишлириға мәсул муавин министири вәллйис грәгсин сөзидә йәнә, "хитайниң һәрбий учурлири очуқ - ашкара әмәс. Хитайниң мәқситиниң зади немилики кишидә гуман қозғайду,"  дегән.

Америка мудапиә министирлиқи йеқинда тәйвәнгә вәтәнпәрвәр 3 типлиқ башқурулидиған бомба сетип беришни қарар қилған, хитай даирилири болса қарарни қаттиқ тәнқидләп буниң америкиниң мәнпәәтигә зиян әп келидиғанлиқини ейтқан иди.

Пикирләр (0)
Share
Толуқ бәт