Wellyis gregsin: 'teywenni xitayning hujumidin qoghdash üchün qoral sétip bérimiz'

Amérika mudapi'e ministirliqining yuqiri derijilik bir emeldari teywen'ge qoral - yaraq sétip bérishni dawam qilishining sewebini teywenni xitayning hujumidin qoghdash üchün dep körsetti.
Muxbirimiz irade
2010-01-14
Élxet
Pikir
Share
Print

B b s ning xewiridin melum bolushiche, amérika mudapi'e ministirliqining asiya - ténch okyan ishlirigha mes'ul mu'awin ministiri wellyis gregsin amérika awam palatasi herbiy ishlar komitétining ispat anglash yighinida qilghan sözide, herbiy eslihelirini zamaniwiylashturush qedimini tiz sür'et bilen ashuruwatqan xitayning teywen we etrapidiki bashqa qoshna döletlerge herbiy jehettin tehdit peyda qilishidin ensirewatqanliqini bildürdi.

U yene, amérika - xitay otturisidiki xata chüshenchining we sewenliklerning tekrarlinishining ikki dölet arisida tehdit we toqunush peyda qilidighanliqini tekitlidi.

Igilinishiche mezkur yighinda yene, xitayning herbiy küchining éship bérishi bilen teywen - xitay arisida herbiy küch jehette tengpungsizliq meydan'gha kéliwatqanliqi otturigha qoyulghan.

Amérika mudapi'e ministirliqining asiya - ténch okyan ishlirigha mes'ul mu'awin ministiri wellyis gregsin sözide yene, "xitayning herbiy uchurliri ochuq - ashkara emes. Xitayning meqsitining zadi némiliki kishide guman qozghaydu,"  dégen.

Amérika mudapi'e ministirliqi yéqinda teywen'ge wetenperwer 3 tipliq bashqurulidighan bomba sétip bérishni qarar qilghan, xitay da'iriliri bolsa qararni qattiq tenqidlep buning amérikining menpe'etige ziyan ep kélidighanliqini éytqan idi.

Toluq bet