Тәйвән баш министири рабийә ханимниң мувапиқ бир мәзгилдә тәйвәнни зиярәт қилишини қарши алидиғанлиқини билдүрди

Мәркизи ахбарат агентлиқиниң пәйшәнбә күни хәвәр қилишичә, тәйвән мәмурий мәһкимисиниң башлиқи ву дунйи шәрт - шараит пишип йетилсә дуня уйғур қурултийи рәиси рабийә қадир ханимниң тәйвәнни зиярәт қилишини қарши алидиғанлиқини билдүргән.
Мухбиримиз әркин
2009.10.01

Тәйвән ички ишлар министири илгири дуня уйғур қурултийиниң террорчи гуруһлар билән алақиси барлиқини илгири сүрүп, рабийә ханимға виза бәрмәйдиғанлиқини елан қилған.

Рабийә ханим болса тәйвән һөкүмитини дуня уйғур қурултийиға "төһмәт қилиш җинайити" билән әйибләп, тәйвән йәрлик сод мәһкимисигә әрз қилидиғанлиқини җакарлиған иди.

Баш министир ву дунйи, рабийә ханим тәйвән көчмәнләр идариси илгири ойлашқан амиллардин хали болса, униң мувапиқ бир пәйттә тәйвәнни зиярәт қилишини қарши алидиғанлиқини әскәртип, д у қ баш катипи долқун әйса һазирқи вәзиписидин айрилса яки у өз орнида қелип, рабийә ханим дуня уйғур қурултийидин айрилса униңға виза берилидиғанлиқи, чүнки долқун әйсаниң террорлуқ хаһишидики гуруһлар билән алақиси бар, дәп қарилидиғанлиқини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.