'Муһаббәтниң 10 шәрти' хитай дөләт байрими күни тәйвәндики 5 шәһәрдә тәң қоюлди

Уйғурларниң рәһбири, д у қ рәиси рабийә қадир ханимниң һаятини тема қилған, австралийилик сәнәтчи җәф даниялниң реҗисорлуқидики "муһаббәтниң 10 шәрти" филими, хитай дөләт байриминиң 60 йиллиқини тәбриклигән 1 ‏ - өктәбир күни тәйвәндики 5 шәһәрдә тәң қоюлди.
Мухбиримиз әркин
2009-10-01
Share

Мәзкур паалийәтни тәйвәндики тибәт достлуқ җәмийити уюштурған болуп, тәйҗоң, тәйнән, тәйбей, пиңдоң қатарлиқ 5 шәһәрдә шу йәрниң вақти билән пәйшәнбә күни кәч саәт 6:00 вә 7:00 ләрдә тәңла қоюлған.

Беләт тамашибинларға бикарға тарқитилған болуп, пүтүн чиқимни тибәт достлуқ җәмийити үстигә алған. Тибәт достлуқ җәмийитиниң билдүрүшичә, мәзкур филимни 1 ‏ - өктәбиргә тоғрилап тәйвәндики һәр қайси шәһәрләрдә қоюшидики сәвәб "хитайниң шәрқий түркистанни бесивалғанлиқиниң 60 йиллиқи вә тибәтни бесивалғанлиқиниң 50 йиллиқиға наразилиқ билдүрүш", шуниң билән биргә рабийә ханимниң түрмидики пәрзәнтлирини вә тибәт кино реҗиссори дунҗу ваңчиңни қутқузуш үчүн һөррийәтпәрвәр тәйвәнликләргә чақириқ қилишни мәқсәт қилған.

Йеқинда тәйвәндики коммунизмға қарши аммиви тәшкилатлар рабийә ханимни тәйвәнгә зиярәткә тәклип қилғанда рабийә ханим 12 ‏ - айда тәйвәнни зиярәт қилишни халайдиғанлиқини билдүргән иди. Лекин, тәйвән һөкүмити рабийә ханимға виза бәрмәйдиғанлиқини елан қилип, униң рәһбәрликидики дуня уйғур қурултийиниң террорчи тәшкилат билән алақиси барлиқини илгири сүргән. Рабийә ханим болса тәйвән һөкүмити үстидин сод мәһкимисигә әрз қилидиғанлиқини елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт