'Muhabbetning 10 sherti' xitay dölet bayrimi küni teywendiki 5 sheherde teng qoyuldi

Uyghurlarning rehbiri, d u q re'isi rabiye qadir xanimning hayatini téma qilghan, awstraliyilik sen'etchi jef daniyalning réjisorluqidiki "muhabbetning 10 sherti" filimi, xitay dölet bayrimining 60 yilliqini tebrikligen 1 ‏ - öktebir küni teywendiki 5 sheherde teng qoyuldi.
Muxbirimiz erkin
2009.10.01
Share on WhatsApp
Share on WhatsApp

Mezkur pa'aliyetni teywendiki tibet dostluq jem'iyiti uyushturghan bolup, teyjong, teynen, teybéy, pingdong qatarliq 5 sheherde shu yerning waqti bilen peyshenbe küni kech sa'et 6:00 we 7:00 lerde tengla qoyulghan.

Bélet tamashibinlargha bikargha tarqitilghan bolup, pütün chiqimni tibet dostluq jem'iyiti üstige alghan. Tibet dostluq jem'iyitining bildürüshiche, mezkur filimni 1 ‏ - öktebirge toghrilap teywendiki her qaysi sheherlerde qoyushidiki seweb "xitayning sherqiy türkistanni bésiwalghanliqining 60 yilliqi we tibetni bésiwalghanliqining 50 yilliqigha naraziliq bildürüsh", shuning bilen birge rabiye xanimning türmidiki perzentlirini we tibet kino réjissori dunju wangchingni qutquzush üchün hörriyetperwer teywenliklerge chaqiriq qilishni meqset qilghan.

Yéqinda teywendiki kommunizmgha qarshi ammiwi teshkilatlar rabiye xanimni teywen'ge ziyaretke teklip qilghanda rabiye xanim 12 ‏ - ayda teywenni ziyaret qilishni xalaydighanliqini bildürgen idi. Lékin, teywen hökümiti rabiye xanimgha wiza bermeydighanliqini élan qilip, uning rehberlikidiki dunya Uyghur qurultiyining térrorchi teshkilat bilen alaqisi barliqini ilgiri sürgen. Rabiye xanim bolsa teywen hökümiti üstidin sod mehkimisige erz qilidighanliqini élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.