Xitay da'iriliri tiz poyiz weqesige alaqidar delil-ispatlarni yoshurghanliqini ret qildi

Xitay da'iriliri ötken hepte yüz bérip, 40 ademning ölgenliki ilgiri sürülgen tiz poyiz weqesige alaqidar delil-ispatlarni yoshurghanliqini ret qildi.
Muxbirimiz jüme
2011-07-30
Share

Weqe 23-iyul yüz bergen bolup, weqedin kéyin da'iriliri weqede aran 18 ademning ölgenliki, bir nechche poyiz wagonning köwrüktin chüshüp ketkenlikini, yarilan'ghan adem sanining intayin az ikenlikini xewer qilghan.

Halbuki ötken heptidin xitay intérnét saheside bu heqte munaziriler kücheygen we hetta béziler xitay da'irilirining chüshüp ketken poyiz wagonini kömüwetkenlikini xewer qilishqan idi.

Shinxu'a agéntliqi bügün élan qilghan bu heqtiki xewiride hadiside buzulghan poyiz wagonlirining kömüwétilgenlikige a'it xewerni ret qildi.

Xewerde neqil qilishiche, tömüryol ministirliqidiki bir namelum xadim"Weqeni bir terep qilish jeryanida wagon kömüsh we delil-ispatlarni buzuwétishke oxshash ishlarning sadir bolmighanliqi" ni bildürgen.

Mezkur tiz süretlik poyiz weqesi xitay tiz süretlik poyiz téxnikisida "Aldinqi qatargha ötken" likini köz-köz qiliwatqan mezgilde yüz bergen idi.

Nöwette da'irilerning weqede qazagha uchurghuchilargha tölem pulini bir hesse ashurup bérishni qarar qilghanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet